譚耀文最近拍攝的電影包括《宅男總動員》及《B+偵探》等，在內地先後排期上映，最近又做了爸爸的他，被迫要放下新生女兒宣傳，馬不停蹄地遊飛機河，笑言一度很想家，好掛念囡囡。
阿譚日前有幸獲得數天假期返港，他即全職充當湊仔公，不過下月他又要再入組，於橫店夥拍陳鍵鋒拍攝內地新劇《搜神記》。談到即將離港超過兩個月，阿譚無奈表示：「其實之前都有諗過全家搬去北京住，但實在自己嘅生活習慣好港式，太太又唔慣當地嘅天氣，所以最終都打消念頭，一係睇埋呢兩年點先啦。」