裕美患抑鬱險死

裕美相隔年多再戰樂壇，事業準備再起步之時，卻傳出裕美和前赤子成員張彥博的婚訊，她笑住否認：「雖然阿博係追過我，但佢唔係我男友呀，我男友叫Ying Ki，我唔介意公開戀情，但一定唔會結婚住。」她表示和男友拍拖年多，是在教會祈禱時撻着，由於男友對她愛護有加，故已視對方為結婚對象，7月再推出新碟，男友給予不少意見，還為她打鼓伴奏，不過自言公私分明，有支付男友酬勞。

自殘尋快感

對於她在樂壇「失蹤」期間，曾傳出不少負面新聞，指她「不聽話」、「掛住拍拖荒廢事業」及「無故失場」，致唱片公司和她不歡而散，裕美統統否認說：「當時我冇拍拖，只係我把聲出咗問題，加上我患上抑鬱症，仲係中度嗰隻，病情好嚴重。」她指患病後情緒低落，完全失眠，還出現幻聽，常聽到人鬧她「唔死都冇用」，她稱：「我痛苦到用刀界手，亂食藥自殘自己搵快感，有日我求死的心好堅持，已經買咗一樽安眠藥自殺。」

祈禱後痊愈

幸好在食藥前，又聽見有人不停叫她祈禱，她就好hea求上帝說：「如果真係有神，救我。」隨後她失去知覺，翌日一覺醒來，感覺改變了，再沒有輕生念頭，而醫生更指她的抑鬱症不藥而愈，她覺得是神迹救了她，故她其後信了主。

採訪：音樂組

場地：BO-LOGNE＠海港城LCX

服裝：Amenpapa

髮型：Sue Hair Conner