樂基兒愛黎明妙目迷人
黎明嫂樂基兒（Gaile）、藝人李亞男、「Canon甜心」Alice B.昨日為Latisse睫毛增長液活動擔任嘉賓，Gaile着上大露背，性感登場，還自爆大會本安排了娃娃裝給她，她為免大家誤會懷孕，而選擇貼身裙。Gaile今次以代言人身份出席，她透露試用睫毛液後效果滿意，繼又表示黎明雙眼十分迷人，至於何處需要改善？她說：「鍾意一個人，乜都會鍾意，我鍾意佢聰明、性格好、心地好好。」
另外，對於大陸嚴打毒品，黎明成日返大陸工作，怕唔怕被牽連在內？她說：「我一點都唔擔心，佢只係去做嘢，平時好少去應酬，佢連喺香港都少應酬，我成日叫佢出去，佢都唔去。（未結婚之前都同你去峇里？）可能佢追我，我去邊都肯。（依家會否失望？）唔會，我自己都少咗出去，多數留喺屋企，可能年紀大咗。」
