情慾電影《3D肉蒲團之極樂寶鑑》因不能在內地上映，日前有報道指內地遊客來港看此片時偷錄被捕，《肉》片監製蕭定一昨稱知道偷錄情況嚴重：「我知有大陸翻版，內容只得廿五分鐘，估計係偷錄期間遭阻止，（《肉》片反應好開續集？）要等六月中睇埋韓國、法國、意大利嘅賣埠情況決定。（搵潘霜霜露點演出？）佢唔肯推咗，但我都會努力游說！」而同類片種《3D金瓶梅》亦傳出女角雷凱欣、藍燕婉拒演出，《金》片導演鍾繼昌昨說：「女角唔係我傾，藍燕唔演咪搵新人囉，佢原本都係冇知名度，不過我就幾鍾意雷凱欣呢個女仔，佢係有腦嘅！」