楊愛瑾結婚零衝動
「餅碎」楊愛瑾（Miki）盛傳與永安太子爺郭永淳拍拖，雖然同門的董敏莉表明有意在世界末日前與男友完婚，但Miki卻未有受到感染，依舊沒有結婚衝動，只希望覓得真心相愛的另一半。
楊愛瑾的同門董敏莉相信世界末日快將來臨，打算與男友盡快拉埋天窗，有緋聞男友「永安太子爺」郭永淳的Miki，卻沒有因而被感染，還自爆零衝動結婚：「我真係冇衝動結婚，喺世界末日前搵到個互相愛大家嘅人已經足夠。」
現階段的Miki積極投入工作，早前代言護膚品令她慳了不少扮靚使費，問到會否為荷包着想而連任代言人？她說：「品牌今年先嚟香港，廣告都係啱啱開始，未知會唔會續約。」不單止是皮膚，Miki還很重視整體的健康，所以常到健身室郁動郁動：「成日做運動，唔食消夜，之前勁食消夜肥咗15磅，我個人好易圓，為咗戒消夜都捱得好辛苦！」
樂做「黑妹」
酷愛戶外運動的Miki不似大部分女士般只愛美白，笑言不介意曬得一身健康古銅膚色：「早前先游完水，係今年嘅下水禮，本身好易曬黑，我仲特登唔用防曬，好怕嗰種『立』嘅感覺，結果曬咗一個鐘就黑喇！」
文：專案組
攝：林楠