Kay自認被屈百毒不侵
謝安琪（Kay）昨日出席「第二十屆全港廚師精英大匯演」，與現場一班小朋友裝飾蛋糕，氣氛熱鬧；對於有周刊指Kay日前佛山舉行的音樂會入座率超低，Kay不慍不火澄清：「嗰次係歌友會，全場三千個座位都坐滿晒，係嗰本周刊報道失實。（影到好多空櫈？）入場前未坐好實影到，我唔想再去多講。（好嬲？）唔會，我經歷咁多已經百毒不侵。」
另外，娛樂圈近年受到吸毒事件籠罩，但Kay表示沒有看過有關莫少聰和孫興吸毒的報道，她表示：「事件已經唔係關唔關娛樂圈事，係好睇個人選擇問題，人生一定會遇到壓力，但應該要積極去面對！」