呂慧儀鬧市露Bra硬軚

向來性感的呂慧儀，前晚出席蘭桂坊舉行的啤酒活動，擔任嘉賓兼人體彩繪模特兒。當她穿着黑色胸圍及白色短拖裙出現，吸引近百人圍觀，雖然要面對眾多男士的目光，但呂慧儀未現懼色，她說：「我打晒底做足安全措施，唔驚走光，不過今次係最性感嘅，之前從未試過着住內衣對住咁多人，仲要Hold住三個鐘頭畀個藝術家畫，搞到我成個人僵硬晒，不過都好開心、好得意，佢畫到好似成件衫咁，但係顏料畫上身時就覺得好痕，（做全裸人體彩繪模特兒得唔得？）唔得！接受唔到！」她坦言相信公司安排酬勞應該不俗，但不清楚實際數字。