宣萱購獨立屋 否認作愛巢
圈中人買樓屢見不鮮，除了栢芝豪擲過億買樓，宣萱最近亦被指斥資千多萬，在西貢購入一幢獨立屋與男友作愛巢之用。有傳其任職獸醫的外籍男友於情人節成功向宣萱求婚，宣萱非常感動即一口答應，並計劃明年初到外地結婚。
記者聯絡宣萱，她否認部分傳聞：「傳男友同我求婚，以及買樓做愛巢都係作出嚟嘅，男友冇求過婚。唯一係真嘅就係我係買咗個單位，但絕對唔係做結婚愛巢，單位只係畀我父母居住。我自己好鍾意睇樓，父母都睇咗好多個單位，呢個好鍾意就買咗。（睇好樓市入貨？）我冇理呢啲嘅，啱就買。（睇埋愛巢？）等男友睇啦，我哋未有結婚打算。」
