熊黛林斥攞人命作新聞
早前有報道指熊黛林（Lynn）患腦瘤，前晚她出席時裝店開幕派對時澄清說：「我冇瘤。見到我咁健康就知我冇事，係作出嚟嘅新聞。（郭富城都話好過分。）好離譜，愈嚟愈過分，連人命都攞嚟做新聞，下次仲有咩可以做。（男友撐你開唔開心？）有朋友關心梗係開心。」
而日前郭富城曾公開表示不介意情侶檔工作，Lynn對此笑言：「佢冇講我個名。如果我同另一半工作都冇所謂，我都冇講佢個名。（如果同城城呢？）我依家已經好缺氧，你哋仲問咁嘅問題。」而當晚原本也是嘉賓的城城因工作未能出席，Lynn表示不失望，至於是否要到結婚當日二人才會同場，她即說：「唔知呀，其實都冇人請過我哋同場，我冇乜所謂，做嘢之嘛，唔使特登講情侶檔。（今日嚟係因為畀面城城？）唔係因為佢，我都識（沈）嘉偉，好榮幸。」
另外，Lynn日前還為首次代言的per Face品牌拍攝廣告硬照，露事業線之餘更帶同愛犬Cookies客串演出。
