AnaR.恨做媽咪借種生Ｂ
名模Ana R.於感情上多次碰釘，仍然是單身貴族的她，至今仍未放棄生兒育女的夢想。她更大方表示若未能找到如意郎君，會考慮人工受孕或領養，一圓成為母親的心願。
Ana R.出席apm創意高跟鞋藝術展，與以色列鬼才鞋匠Kobi Levi一同製作鞋履，更即場展示美國天后Lady GaGa曾穿的雙面高跟鞋！她大讚鞋的設計很有趣，笑言令她不知道該往前還是往後走：「唔怪之得Lady GaGa成日喺台上跌親。（鍾唔鍾意Lady GaGa？）我覺得佢有時太極端。因為佢有好多年輕嘅fans，應該要特別留意自己嘅形象同言行。」
望生夠五個
她透露將回美國探親，要見見七、八個月大的姪仔，她笑言希望生五個小朋友，但先決條件是要找男人。問到會否考慮找人捐精？她坦言不介意：「我會畀多三年時間自己，如果唔得都會考慮。（搵咩種族嘅人？）我冇所謂，最重要係個BB健康、聰明，同埋高。（領養？）我都有諗過，應該會喺韓國或者中國領養。不過單身嘅人好難領養到。」
文：名人組