蘇玉華隨時ready生B
馬浚偉、曹眾及蘇玉華前晚出席餐廳開幕活動，久未露面的曹眾透露早前在港誕下一女，BB已滿月，名字叫陳瑛華，但不肯透露於何時結婚，她說：「老公係生意人，唔想講咁多。（做媽咪後有咩唔同？）責任感重咗，我打算全職湊BB！（再拍劇？）未有呢個打算，同TVB冇約，不過可以幫手做吓節目。」
對於好友已做人母，蘇玉華希望與B女上契，她謂：「我都係知咗冇幾耐，佢保密工夫一流。（你幾時生？）隨時！呢個係上天嘅禮物。（不設防？）總之隨時ready！」馬浚偉表示會送玉牌給BB，因可幫BB定驚，他又自爆邀得郭羨妮上其節目，提到對方將結婚，他說：「錄一日節目唔會阻佢！」