蔡楓華：做我女人好辛苦

蔡楓華（Ken）與組合糖兄妹成員阿峰昨日到電台為節目錄音，兩人即席合唱《一生一世愛着你》。Ken透露六月將舉行巡迴演唱會，首站已定加拿大，其他地方仍在洽談中。

十年冇帶女返屋企

在節目中多次自稱是偶像歌手的Ken，被問有否拍拖？他說：「我依家係idol singer（偶像歌手），唔可以答呢啲問題，希望畀少少空間我。（覺得對個女仔唔好意思？）細個開始我身邊嘅女人都好辛苦，對於呢啲新聞我會一笑置之，我發覺單身偶像派畀人多啲想像空間。我明點解之前有藝人唔公開，但如果我拍拖嘅話我會公開畀大家知，男未婚女未嫁，All the time available！（任何時候都可以拍拖）」並指母親希望他找到合適對象，但已有十年沒帶女伴返家。

盼康文署順應民意

Ken一直以紅館開個唱為目標，但多次入紙申請的他亦被康文署駁回。問到駁回原因？他謂：「有好多，不過我覺得嗰啲都唔係原因，康文署應該畀多啲透明度講點解唔批！唔好對人唔對事，應該公平啲！我講過『不入紅館非為人』，我講得出做得到，你（康文署）批場我就搵主辦。」他又希望康文署順應民意，以及全港歌手為他講好說話。

文：音樂組