陳法拉3000蚊買教訓肉赤

陳法拉近日忙於與謝天華拍新劇，又不時出席活動，忙到有氣冇碇抖，密密做、搵真銀的她卻未有小心睇緊自己的辛苦錢，前日一時疏忽，終於破財！

呂慧儀嘆辛苦錢

她前日傍晚在微博呻笨：「有人失魂到去提款機取錢，只拿回卡，不拿錢。發現時已是十分鐘後的事，還傻到竟然跑回去看那錢是否還『叼』在出錢的『嘴巴』上？ 我這是怎麼啦？」呂慧儀為她感到可惜說：「傷心，錢賺得很辛苦的啊。」唐詩詠則表示自己提款時也常常忘記拿錢，希望機器能發聲提醒，並安慰法拉說破財擋災。

錢時唔夠集中

本報昨日致電問候法拉，她透過經理人回應：「當時唔集中，㩒錢時忘記拎錢，冇咗3000元，好肉赤！返轉頭已經冇咗，之後有打去銀行，可能啲錢退番入去，但銀行話已經過咗數，當係個教訓。當時後面有人排隊，唔知有冇人攞咗。」

文：專案組