劉嘉玲不屑遭影射：信我吸都傻

劉嘉玲前晚出席新店開幕慶祝派對時，被問到莫少聰及孫興涉毒被捕一事，嘉玲坦言有留意報道，至於與二人是否熟落？嘉玲說：「好耐以前曾見過莫少聰，而孫興就合作過拍電視劇。」

有道德不應亂寫

提到有報道影射圈中不乏毒夫婦，她說﹕「傳媒唔應該過分繪影繪聲咁寫，未正式證實，唔應該亂寫，會造成好大影響，希望大家有啲道德。」

劉嘉玲被大批傳媒圍住採訪。

蘇永康、周麗淇化身藍黑雙煞去派對。

報道中的毒夫婦剪影有指甚似嘉玲與偉仔？嘉玲聞言即說：「有咁嘅事？我被影射？我唔覺得係我，你覺得係我咩？我冇睇過報道，我之前去台灣做身體檢查，身體非常好，如果吸毒可以吸到咁健康，咁又唔係壞事。有啲人覺得年輕時要試吓，但係好多人high過呢啲嘢（毒品），我就唔會掂毒品！」

周柏豪、王大業分別與賭王千金何超雲扯上關係，但兩男同場不相見。

放大圖片

在娛樂圈中多年有否受過引誘？嘉玲說：「我見過，有啲國家係合法，唔使講到咁大件事。」嘉玲更指自己不介意被影射，她說：「信我吸毒係好傻，係媒體同我開玩笑啫。」

滿意老公仔送禮

提到嘉玲早前獲金像獎影后，她表示心情已平復，反而偉仔知她獲獎時更激動，得獎後嘉玲沒有加雙倍片酬，但已收到老公送上的禮物，至於何時會生BB？她說：「隨遇而安，好似我今次攞獎都係遇到個好劇本啫。」

前晚賭王千金何超雲的前男友王大業與前緋聞男友周柏豪同場現身，不過柏豪說因場內太多人，所以未有與王大業見面，但直言不會刻意與對方打招呼：「我唔識佢，見到佢都唔會尷尬嘅，唔會刻意打招呼。」此外，柏豪亦表示自己唔掂毒品，指減壓有好多方法：「好似打籃球、聽歌、約家人朋友食飯，輪唔到吸毒！」

而曾涉毒海的蘇永康前晚以一身全藍打扮潮爆到場，但他未有就最近的莫、孫涉毒事件發言。

文：名人組