Alice B.拒僭建驚惹峰災
新一代Canon女Alice B.昨日拍攝內衣廣告，無懼與Canon女始祖Jessica C.的警鐘胸交鋒，她揚言上圍純天然，抗拒後天加工，對自己的身材信心十足。
新一代Canon女Alice B.昨日為內衣品牌COLORFUL拍攝廣告，穿上性感內衣谷盡32B上圍，大騷事業線。Alice表示今次是首度接拍內衣廣告，對於第一代Canon女Jessica C.（JC）同是內衣代言人，她揚言不擔心被比較，她說：「雖然大家做嘅嘢好似，但大家係唔同。我唔會話自己身材係完美，但我好鍾意我嘅身形，亦唔會做隆胸手術，因為我好驚畀人劏我身體。」
以43吋長腿自豪
她又自誇是真材實料，毋須靠墊。不過，Alice初時卻拒絕公開其三圍及上圍Cup數，並說：「好多女人對自己身材好大壓力，Cup數對我嚟講唔係咩一回事，只有男人會注重，我係着標準尺碼內衣，所以我冇問題。」她反而以自己的43吋長腿以及沒有肚腩的肚子自豪。問到曾否有男友投訴她不夠大胸？Alice笑言：「我好好彩，冇試過。鍾意大胸嘅男人都唔會接近我。如果男友叫我整容，我唔會同佢約會。」
拍戲或考慮裸露
今次Alice會有12個造型，她坦言以拍照來說，已經是性感極限，不過若拍戲的話，只要劇情有需要，就算要裸露以及有性愛鏡頭，她也會考慮。
文：名人組