衛詩伺機回歸樂壇

Jill前晚約十點現身機場，跟歌手高皓正夫婦、梁雨恩等出發往歐洲各國舉行多個音樂佈道會傳福音。

精神奕奕的Jill全程笑容滿面，帶埋巨型版本的英文聖經及熊貓咕𠱸上機，她表示將會講述戒毒的恐怖經歷，提到早前她拍的自白短片，她說：「自從信主之後，我覺得應該講真說話，我唔怕講自己嘅事，信主之後我180度轉變，相信身邊嘅人都會感受到，好開心！」

高皓正與太太入閘前表現恩愛一面。

右起：高皓正夫婦、衞詩等飛歐洲，一班藝人好友送機。

多謝黎明錫

提到Amusic正式跟Jill終止賓主關係，她一度哀求記者不要問及合約的問題，並扯開話題說：「我好鍾意唱歌，相信一定會唱番，有個女歌迷同我講，佢戒食肉直至我出番嚟為止，真係好感動。」

問到合約是到期還是被中斷合約，Jill說：「Leon真係好錫我，我唔想搞到大家有誤會。（關係點？）我好多謝佢一路都好錫我同家姐，我好尊重佢。（和平解約？）係，大家完全冇hard feeling。（短期內唔做藝人？）睇神點樣安排啦，我真係唔知，神畀咗把聲我，我可以做好多嘢。」

承認有人斟

Jill承認有其他公司簽她，她說：「都有嘅，總之離開Amusic唔關我家姐事，希望有一個新開始。」

另外，高皓正帶埋太太歐遊，笑言享受二人世界之餘，順便慶祝結婚一周年紀念，阿正承認一直都努力造人：「只不過未搵到機會啫，今次最緊要係過去利物浦睇場波先。」

文：音樂組