陳豪暗寸廖碧兒搞事

陳豪昨日接受電台「巴巴閉邊個夠我查篤撐」訪問，談到與陳茵媺的緋聞，主持查小欣追問他這個「筍盤」是否已有茵媺這位新業主？他否認並笑說：「冇。」他表示已公開講過對茵媺有好感，但兩人真的未開始拍拖，發展機會幾多？他笑言會努力：「睇吓點樣，將來冇人知。」他亦否認到多倫多拜會茵媺家人，而他母親來港亦未見過對方。

會親自道歉

對於廖碧兒曾暗寸茵媺是「小三」，陳豪開腔護花說：「對佢真係唔好意思，從來唔關佢事，但令佢有不必要麻煩、緋聞，尤其係咁難聽，對佢好唔公平！我要同佢交代，會親自打電話畀佢道歉。」剛到牙買加拍攝咖啡節目的他，坦言返港後才得知這件事，他似暗寸廖碧兒說：「趁我唔喺度，搞咁多事！」

陳豪昨日接受查小欣訪問，大談戀情。

廖碧兒日前暗寸陳茵媺是她與陳豪之間的第三者。

等命運安排

被追問到跟廖碧兒甩拖後，情緒可受影響？他說：「嗰件事過咗好耐，開心唔開心都過去，新一年全部諗新嘢，舊嘅嘢唔會諗。」若然與前度見面，他會打招呼，但不會主動聯絡，他說：「放低身段向前行，做人要正面，過去作為借鏡，將來係希望，依家係努力。」他表示高攀不起「筍盤」這稱號，他只是超級普通人，對愛情追求簡單、自然，他相信愛情可一生一世，愛家庭生活的他只是命運尚未安排而已。

文：音樂組