DaDa拒應酬被嘲冇家教
近日內地娛樂圈掀起一片「毒海潮」，首次赴京與電影人見面的模陳靜與李宥彤笑言接見的都是女人，又指經理人施念慈不允許她們去應酬，因此令經理人常被嘲不懂教女。
陳靜（DaDa）和李宥彤（Liz）昨日出席新太陽廣場舉行的「新地普藝迎五月」活動。DaDa自爆剛到北京試鏡，問到有否需要應酬而被灌酒或誘食毒品？她說：「我哋見開嘅都係女人，純粹食飯見面啫。」
在旁的Liz亦插嘴說：「可能佢哋要見吓真人，驚貨不對辦。其實經理人都唔畀我哋應酬，所以成日畀人話佢唔識教女！」問到若真的要應酬怎辦？DaDa謂最多只會與劇組同事唱卡拉OK聯誼，如果太疲累就會拒絕出席。
李蘊探望粉絲
DaDa又透露下月將到上海拍寫真，希望趕在暑假前推出。她指今次是其首本個人寫真，亦是最後一本。她說：「同其他人一齊已經出咗兩年，第三年就冇新鮮感。（性感底線？）公司已經開過會，今次形象希望係高貴同型格，所以唔會突破到上年嘅底線。其實我好鍾意《黑天鵝》呢部電影，希望可以有一個性感嘅黑天鵝造型。」
另外，去年有出寫真的李蘊，其頭號粉絲鄭智殷早前因生腦瘤要做手術，現正昏迷，她表示已拍片鼓勵對方：「都有打電話畀佢嘅家人。（會唔會去探佢？）呢排比較忙，有時間會抽時間去探佢。」
文：名人組