張可頤冒死闖東京輻射儀跟身

黎耀祥和張可頤昨日在元朗大棠為無綫新劇《法證先鋒III》拍攝遭綁架戲份，兩人被綁手綁腳困於鐵皮屋內與兇徒對峙。由於天氣炎熱，臨時搭建的鐵皮屋內氣溫高達三十多度，兩人拍攝時如同焗桑拿熱得大汗淋漓，停拍時不停抹汗補妝。

祥仔撐林峯上位

黎耀祥見天氣炎熱，自掏腰包「萬歲」慰勞劇組，他表示比起拍古裝算不上辛苦，新劇煞科會努力搵真銀，到暑假便會再開另一套古裝新劇。講到有傳無綫欲捧林峯做「視帝」，祥仔大方表示支持：「畀啲後生仔上係應該嘅，咁樣嘅環境會健康啲。」

祥仔萬歲，可頤直豎拇指。

鐵皮屋內翳焗，祥仔和可頤如焗桑拿大汗淋漓。

戲服濕透的張可頤被問可有焗到暈？她笑說：「辛苦o架，出咗好多汗，都有啲呆呆滯滯，好彩有祥仔請食老婆餅先冇事。」

赴日訪友驚驚哋

張可頤透露計劃稍後到東京探朋友，問到她可會擔心日本輻射危機？張可頤則說：「其實都驚驚哋，朋友就話問題唔係咁大嘅，或者帶埋個輻射儀去睇住囉。咁啱之後都會幫無綫主持一個關於地球天災嘅節目。」

採訪：影視組