謝婷婷讚Lucas好識做戲
張栢芝將會在新戲中飾演醜女，而謝婷婷早前亦學定功夫為電影作準備。昨日婷婷出席「愛彼錶女皇盃」活動，即場示範調酒，不慎把飲品倒濕了手。婷婷笑言在日常生活中是個比較「論盡」的人，她說：「我次次食嘢都一定會整落件衫度，有次Andy（男友安志杰）試過食完嘢一個鐘後喺我塊面度搵到嘢食。」
提到日前她與Andy帶Lucas去朋友的生日會，她說：「個個都讚佢乖，佢咩都會問咗先做。（佢會唔會好似爹哋謝霆鋒咁chok樣？）佢咁細個，不過佢之前嚟我屋企，我話帶佢食雪糕，佢就扮咳同我講『姑姐，我咳緊呀。』好好笑，佢好有演藝潛質。」
此外，婷婷前日撇下男友，與三名猛男現身中環逛名店，只見她與身邊的外籍男友人特別投契，當他們發現記者拍照，三男即撇下婷婷先行閃走。