基仔吼中筍盤打孖掃
古巨基簽約英皇後身價水漲船高，積極開拓內地巿場賺人仔，短短廿個月，已賺逾半億，基仔更瞄準樓巿，對老闆楊受成即將開售的新樓盤極之有興趣，計劃大舉掃盤作投資。
基仔除了專注演藝事業，近年更進軍時裝界，獨資開設自己設計的時裝店，理財有道的他十分認同首富李嘉誠投資買樓保值的看法，早於97年基仔已開始投資物業，08年他甚至一炮過勁豪在台灣掃樓，最近基仔又心郁郁想買樓，眼見香港樓巿回穩，他即瞄準老闆楊受成位於筲箕灣的新樓盤，打算重手出擊。
據知基仔對英皇新樓盤「港島．東」極之有興趣，早前他跟老闆楊生也傾過，他計劃買兩個單位作投資，該樓盤最大單位八百七十多呎，呎價接近兩萬元，樓價超過二千五百多萬，最細三百多呎的單位也要五百多萬，目前身在內地的基仔正安排返港睇樓。
拍劇又開騷
近年積極返內地搵人仔的基仔，幾乎每個星期都返內地登台獻唱，縱使其身價高企，但登台騷依然源源不絕，據知基仔又接了一個內地劇，合作的演員還有蔡卓妍，10月又會在紅館舉行個唱，工作已經排到滿瀉，估計今年收入又有八位數進帳。
另外，鄭希怡（Yumiko）昨日與食家紀曉華應邀出席樓盤活動，Yumiko着住圍裙於開放式廚房一展廚藝。對於藝人莫少聰及孫興於內地涉嫌吸毒被捕，Yumiko並不熟悉兩人，至於她在內地拍劇時會做運動及下廚解悶，問她可有受過毒品引誘？她說：「冇，我識嘅朋友都好健康。」
文：音樂組