靚靚獲老公袋誘減6磅

靚靚、馬詩慧（Janet)及老公王敏德（Michael）、汪詩詩、汪圓圓、陳嘉桓、莊思敏、江若琳等，昨日出席好友周美鳳的公關公司16周年慶祝活動。明顯清減不少的靚靚表現風騷，並不避嫌在Janet面前與Michael翹手合照，又作狀親嘴，十分搞笑！靚靚自言每天都會運動一個半小時，一個月內已減了五、六磅的她，透露老公Chilam「利誘」她減肥，她說：「佢話如果減到目標磅數，就送個袋畀我。不過我覺得佢呃我，個袋好難買到。」

有同孫興聯絡

對於好友郭富城被指於年尾結婚，靚靚即說：「邊有可能！你哋唔好信。不過我成日催佢快啲結婚同生小朋友，畀佢知道一個家係好需要男士喺屋企。（想佢成家立室，放Chilam出嚟陪你？）唔好話放，老公自己都身痕。」另外，對於曾合作的孫興涉嫌藏毒，靚靚表示之前有與對方保持聯絡，她說：「呢啲事梗係唔好，希望佢受到懲罰之後會有所改變。」

江若琳明天會出發到新加坡拍電影。

周美鳳的公關公司舉辦16周年慶祝活動，大批好友撐場。

望去小島行禮

另外，同場的江若琳則表示明天會出發到新加坡，拍攝關於一對新人籌備婚禮的電影，她笑言：「將來自己想去小島行禮，只係請父母同好朋友出席。（閃電結婚？）唔知，要遇到令我有衝動嘅人先得。（緋聞男友葉念琛係咪？）我哋係朋友，冇諗呢啲。」

文：名人組