栢芝要收禮反食「謝檸檬」
張栢芝前晚在場見證老公謝霆鋒榮登影帝後，亦有一同坐車到慶功宴會場外，但因怕人太多而留在車上玩手機，霆鋒逗留場內三十分鐘後即與太太驅車回家。栢芝昨接受有線訪問時大談感受，直言一知道老公奪獎，耳仔即塞掉，故聽不到霆鋒上台致辭時提過她，加上劉嘉玲在台上甜絲絲地講梁朝偉，令她回家後，都有「投訴」老公，栢芝笑言：「我同佢講，有啲嬲o架，我廿三歲攞第廿三屆影后，佢三十歲攞第三十屆影帝，真係好啱（想一齊攞影帝影后？）好想。」
嘲墨鏡父子兵打斜行
霆鋒上台向父親謝賢講的一番埋藏心底十二年的說話，問栢芝之前有否聽過？她搞笑地表示：「佢哋兩個只會擺甫士，好少講嘢，墨鏡好似用ＡＡ超能膠黐住，行樓梯會打斜行。」她又感激周潤發力撐霆鋒：「發哥喺我心目中係最叻、最有地位嘅男演員，佢同我講我老公得嘅，真係好感動同開心。」
栢芝笑言正努力造人：「好想多一個細佬陪兩個仔，大家庭熱鬧啲，再追一個女，至少生四個。（霆鋒攞影帝會送咩禮物畀佢？）反過嚟，我同佢講過佢攞影帝要送份禮物畀我，慶功場地左右兩邊都有我最喜歡嘅名店，我同佢暗示，佢竟話『你講之嘛，我未應承喎』，哈哈。」