陳家樂跟陳偉霆學拳嗌爽
英皇男星陳家樂早前遠赴廣西，為電台拍攝文化節目，介紹當地文化及探訪少數民族。家樂表示這次拍攝經驗令他留下深刻印象，家樂說：「咁大個仔有生以來離開屋企張床咁耐，有成十日咁多，去到廣西要自己顧自己，由於拍攝地點偏遠，所以我買定好多乾糧充飢。（嘗當地美食？）都有呀，啲食物幾新鮮，但有次以為食咗乳鴿，食完先知係『禾花雀』，感覺怪怪哋。」
家樂直言近日已積極做運動，希望可以變成「大隻仔」，他說：「呢排都有跟William（陳偉霆）學拳，William係嚴師，雖然練得好攰，仍未完全掌握到，左右唔協調，但感覺幾爽。」問到會否學William打大赤肋騷肌拍戲？家樂笑說：「如果有佢咁好身材，我絕對唔介意。」
場地：gi+
服裝：esclusivi