蔡慧敏回歸娛圈同o靚模爭食

蔡慧敏出名身材正，其37F上圍一直是她的標記，令人想入非非。在知名度大增之際，幾年前卻突然銷聲匿迹，Joey到底去了哪裏？認真耐人尋味。她接受《娛樂onShow》訪問時，面對詞鋒銳利的主持人俞詠文，Joey娓娓道出這些年來的心路歷程。

棄試鏡專心讀書

Joey表示，兩、三年前突然失蹤，是因為到美國一家藝術學校讀書，她說：「我05年尾去咗荷里活做中國電影節嘅司儀，喺嗰邊識咗一班朋友，佢哋話有途徑可以讀美國名牌大學，所以順理成章循呢個途徑去讀書。」

問到為何沒有進軍荷里活拍戲？Joey說：「我有諗過喺嗰度拍戲，開頭亦諗住學演戲，即係章小蕙讀嗰間，但係家人想我讀經濟，所以最後都揀咗有用嘅科目嚟讀，嗰邊好多朋友都有去試鏡，係全職試鏡，不過我冇試囉，因為想讀好啲書！」

路線唔同難比較

既然學成歸來，為何要重回娛樂圈？她說：「因為我一返嚟，就有好多人搵我登台，我又好鍾意喎，所以咪返嚟囉！」Joey表示，重返娛樂圈，突然多了競爭，而這些對手不是資深的演員，而是o靚模，她說：「其實返嚟變化唔係好大，係多咗o靚模，係我去搶飯食，不過大家路線唔同，好難比較！」

文：專案組