兩年前助張家輝榮升「張七帝」的導演林超賢，當時卻不能憑獲獎電影《証人》提名金像獎「最佳導演」，直至今年林導終吐氣揚眉，憑《証》片原班人馬上陣的作品《綫人》，入圍角逐今屆「最佳導演」。
說到兩年前他的《証》片連「最佳導演」提名也沒有，對此林超賢謂：「其實都冇得話失唔失望，連提名都得唔到，又點會失望呢？獎呢啲嘢好講天時地利人和，對手都係關鍵，排隊都排唔到嘅！」
外間對《綫人》睇高一線，林導也成為「最佳導演」的大熱人選，談到今次對手，既有徐克、葉偉信、蘇照彬、郭子健及鄭思傑，林導坦言有看過勁敵的入圍作品，大讚他們甚具實力：「每部戲都有好睇嘅地方，但我當然對自己有信心！其實見到大家對《綫人》認同咗已經好滿足，獎項係Bonus嚟啫！」
