蘇志威細心辦校舞快感

全身充滿跳舞細胞的阿細，隨意就舞動起來，跳足逾廿年舞的他，為草蜢排過很多隻舞，他說：「健身運動中跳舞最得，唔似得跑步咁悶，05年草蜢開騷時，我一綵排就跳足八粒鐘，跳完舞出一身汗，覺得好開心，對身體又好，跳舞又唔局限專業先跳得，只要識得郁手郁腳就得。」

尖沙咀插旗

阿細形容每次跳舞感到開心，令他萌起開跳舞學校的念頭，希望將這份開心感染力傳遞大家，結果跟拍檔Grace一拍即合，在08年開了第一間跳舞學校，短短兩年學生人數累積逾四千人，今年再在尖沙咀開設逾萬呎的iDANCE，他說：「我跳開舞當然明白保護雙腿嘅重要性，特別揀防震地板，等大家跳時冇咁易整傷膝蓋。」

大女愛溜冰

阿細可會親自教導太太劉小慧及兩個寶貝女跳舞？他笑說：「小慧都有跳，唔使跟我。」他指大女君蕎鍾意溜冰，細女靖珺都鍾意跳舞，但就沒想過要女兒做接班人。蘇老闆生意瓣數甚多，但他一直低調，不同生意他有不同拍檔，阿細說：「每一個生意有唔同角色，最緊要疑人不用，用人不疑。」

文：音樂組