何紫綸Maggie Q變兩姊妹

入行多年的Ann最近簽了HM經理人公司，成為廣告界新寵兒，不但接拍了衍生行熱必清廣告，早前更以六位數簽約成為醫學美容代言人，接受了botox瘦臉療程，成功擁有了一張V臉。Ann開心的說：「成塊臉都V晒，冇以前咁方，皮膚仲好咗好多，又滑又白，睇落仲後生咗。」

唔會整容隆胸

變臉後的Ann，竟然激似Maggie Q，她亦笑說：「入行時啲人都話有啲似Maggie Q，依家塊臉瘦咗仲似佢，自己照鏡都覺得側面勁似，甚至出街都有人問我哋係咪兩姊妹，可能依家頭髮顏色啡啡哋，加上化妝師化到我個樣鬼鬼哋，真係有啲似鬼妹。」問Ann會否接受整容？她坦言：「自己出道十年，突然變樣我驚嚇親人，雖然以前諗過挑雙眼皮，但最終都只係黐膠紙，依家黐咗成年，雙眼皮愈嚟愈成型添。（隆胸呢？）唔會，我滿意自己身材，只係有肚腩同pat pat大，如果有人搵我做瘦身代言人就好啦。」

Ann滿意自己的身形，無意去隆胸。

拍廣告時，Ann與一眾工作人員玩自拍。

入行前可大執

雖然Ann唔會整容，但就不反對別人「改頭換面」，她說：「我開咗間model學校，好多學生都問我好唔好去整？我覺得如果佢哋想入行，執靚啲個樣無可厚非，隆胸、隆鼻都唔係好嚴重，依家好多人都整架啦。」

文：音樂組