吳雨霏回味驚喜甜在心頭
吳雨霏（Kary）於年頭在紅館舉行的演唱會叫好又叫座，更獲前男友網球王子洪立熙送花及香吻，Kary坦言將此驚喜場面原汁原味收錄在個唱DVD內，她說：「係一個好好回憶。」難怪傳出兩人翻撻成功！
Kary近日四出為紅館演唱會DVD宣傳，由於當晚Kary以多個性感造型示人，問到是否檢查清楚沒有「走光」鏡頭？她笑說：「雖然有份參與剪片，但冇乜留意呢樣嘢，不過係好原汁原味，現場睇到嘅嘢，隻碟都睇得番晒。」Kary大讚自己成熟，她說：「比起三年前喺Star Hall開演唱會，今次成熟咗好多。」
「冇諗過佢會咁做」
問到會否收錄前男友網球王子洪立熙（Brian）送花及香吻溫馨片段？Kary說：「有！呢一Part係令我好回味。」她大方透露隨碟附送的相集亦有對方的靚樣，她說：「曾經考慮過放唔放入去，始終佢唔係圈中人唔想影響佢，係其中一個好好回憶。」Kary承認對方成功炮製驚喜，她說：「我冇諗過佢會咁做。」Kary承認為保護Brian曾致電對方，她說：「因為本相集有放佢張相，我有打電話通知佢，呢個係一個尊重。」
計劃好下半年工作
今年六月約滿金牌大風的Kary獲不少唱片公司向她招手，問到今次是否最後一次為金牌大風宣傳？Kary說：「唔好咁講，世事難料，今次隻DVD係我同公司嘅心血。」問到下半年的檔期是否排滿工作？Kary說：「OK，自己為自己計劃咗好多嘢。」
採訪：音樂組 攝：黎志輝
化妝：Cyrus Lee＠Beauty Tech
髮型：Heibie Mok＠Hair Culture