陳敏之為壯男打氣嗌得勁

陳敏之手長腳長，小學時曾任啦啦隊成員，自認經驗夠兼身手敏捷，她最近被馬會選為超級打氣團隊長，得以一展所「長」，教授四位美少女打氣絕技，敏之不僅細心傳授秘技，還為她們整理隊衫，細心又稱職。敏之說：「我因為夠高，小學都做過啦啦隊，覺得好威水，好似代表學校出去咁，每逢見到男同學比賽跑步都會嗌得特別大聲。今次就為賽馬冠軍一哩賽打氣，我身手敏捷，一字馬都難唔到我。（咁勁？）我參加過《舞動奇迹》，只係人哋擔心我做唔到，因為之前跌傷咗鎖骨。」

鎖骨傷勢復原

問到敏之的傷勢？她表示已經完全康復，還說比之前更強壯：「休息咗幾個月，愈合之後仲健康，鎖骨硬過之前。（有男友照顧？）冇，多得媽咪靚湯，衰在我食好多都唔肥。」至於之後的工作，她將準備與林峯及楊怡合作拍攝《回到三國》，飾演小喬一角。

即將參演新劇的陳敏之，飾演靚爆及充滿氣質的小喬。

敏之參加過《舞動奇迹》，自誇身手不凡，一字馬都冇難度。（資料圖片）

文：專案組 攝：林楠