葉翠翠愛心狗餅益寶貝

前港姐葉翠翠飼養了三頭牧羊犬，最細一隻都已八歲大，平日愛整餅的翠翠為了牠們的健康，會經常親手整狗餅給一班寶貝享用，她說：「自己整健康好多，又可以整啲出面買唔到嘅味道畀佢哋食，好似綠茶、乳酪、燕麥，佢哋都唔知幾鍾意，平均幾日就要整一次！」
為了愛犬健康，葉翠翠平日會親手整狗餅。
為了愛犬健康，葉翠翠平日會親手整狗餅。

葉翠翠認為養寵物責任重大，除了要照顧飲食，更重要是照顧牠們的心靈，她說：「動物要花好多心機陪佢哋，因為佢哋嘅世界就只有主人，佢哋最開心就係我唔使開工，成日都黐到實。」不過，有時翠翠也被一班「百厭星」弄得哭笑不得：「有次佢哋趁我唔喺屋企偷食咗半個木瓜！真係激死！」

葉翠翠每逢放假都會親自帶三隻狗行山。
  • 葉翠翠每逢放假都會親自帶三隻狗行山。