陳豪未諗續約唔怕雪
被待嫁姑娘視為「筍盤」的陳豪，在無綫，他亦是一等一小生人選，有指無綫為怕失去他而提前與他加簽合約，但陳豪否認此事，並說滿意現在合作關係。
陳豪、鍾嘉欣、吳卓羲、楊怡、羅樂林、朱慧敏等昨日出席《點解阿Sir 係阿Sir》宣傳活動，期間，大家為四月生日的嘉欣、陳豪、朱慧敏等準備生日蛋糕慶祝。陳豪出席完活動後便上機到牙買加拍攝特輯，問他怕否此刻角色會被指抄周星馳的《逃學威龍》，他坦言都預料會有人以此作比較，但自己會以100%陳豪演繹方法去演，叫大家放心。
吳卓羲撐兄弟
說到無綫為快將約滿的藝人加簽合約，更要求他簽五年約，陳豪表示未有聽聞過，還有超過一年合約的他謂：「再傾啦！（話唔簽會雪藏喎！）我工作係演員，其他嘢控制唔到。」而早前被指一日內於螢幕死幾次的羅樂林亦鬼馬地即場扮死，監製劉嘉豪更送上一封利是，非常搞笑。
此外，吳卓羲被問到好兄弟林峯再次受創，他表示冇刻意安慰對方，但有需要亦會撐兄弟。說到林峯喊，他說：「真情流露冇得講，導演都會衡量，太重戲都唔會畀佢拍住，畀佢拍多啲吊威吔戲，分散佢注意力啦！都希望傳媒放過佢，（依家係霜霜不收手？）收手啦！夠嘞！」他又指自己沒遇過桃花劫，現時沒拍拖。提到拍邵氏電影，他說工作排至明年，暫時沒有找他，說到黃宗澤有份做男主角，他說：「大家都咁多年，係時間出去闖，大家方向唔同，黃宗澤拍電影，林峯主力唱歌，我主力搵錢。」
嘉欣拍拖隨緣
四月初生日的鍾嘉欣坦言過了個開心、感動的生日，更有朋友送拍拖書給她，問她有否學到甚麼，她謂：「未讀，都係講點樣做人，不一定係拍拖，（有冇人示愛？）冇，我好open，會隨緣，希望有追求者啦！」
文：影視組