余安安爛撻撻爭女配角
形象高貴的余安安於《飛砂風中轉》內變身爛撻撻大家姐，過足戲癮。07年她首度提名「最佳女配角」，最終敗給《夜宴》的周迅，她坦承賽果合理，並指今年幾位候選人實力均等，自己信心亦提升不少。
較之於余安安，另一候選人邵音音卻自嫌演出未盡全力：「我真係做得唔好，冇諗過入到圍，依家只希望《打擂台》能夠攞多啲獎，令投資者對呢類電影多啲信心。」於《月滿軒尼詩》內「姐妹情深」的朱咪咪及鮑起靜今次雙雙入圍，前者更大讚後者好戲。而鮑姐則首推余安安獲獎：「我攞過啦，人哋點會再畀你呀？今次好似敬老咁呀，女配角得張靜初一個係後生啲。話明supporting actress，個名起得好好，大會好尊重我哋班甘草呀。」
