張家輝內斂迎戰甘拜下鋒
張家輝憑《綫人》於第三十屆香港電影金像獎內再爭影帝，迎戰謝霆鋒、梁家輝、張學友及周潤發。雖然如箭在弦，家輝又被讚演技內斂得來穩陣，但不忘往拍檔霆鋒臉上貼金。
雖然已欣賞過幾位勁敵們的演出，家輝始終不肯正面評優劣，他指入圍已代表是一種肯定，只簡單談了兩句關於霆鋒演出：「由《証人》去到《綫人》，佢的確進步咗好多。」心理上令自己退下火線，真正追求只是演戲滿足感。
多次修改角色
看過《綫》片的觀眾，覺得前半部家輝的角色過於平淡，原來是為後半部產生的變化在努力鋪路：「由籌備開始，我一直同導演、編劇緊密討論同接觸，角色性格修改過好幾次。今次角色冇得衝鋒陷陣，同綫人產生微妙感情，中間幾乎同個個人物都有瓜葛，而出嚟嘅嘢都係我想要嘅。」有份參演《綫》片且入圍「最佳男配角」的廖啟智亦大讚家輝「內斂得嚟穩陣」。
霆鋒演技開竅
《証人》被指偏心家輝，導演林超賢今次為霆鋒落力塑造鮮明形象，最顯而易見是將他由《男兒本色》、《十月圍城》等的小子形象，抽身而退變為鐵鐵實實的男兒漢。林超賢坦言開拍初期彼此需要磨合，但霆鋒很快開竅，且換來不錯的口碑。
文：影視組