趙世曾六千蚊唔夠扶貧
趙世曾與兒子趙式浩前晚分別帶同女友出席澳門舉辦的《Macau Tatler》第三屆周年舞會，談到與女友Lena的感情生活，趙世曾笑言：「好好。（幾時結婚？）唔使喇啩﹗開開心心咪得。（之前同前女友情訂後花園，今次呢？）前花園囉﹗」問他對式浩女友的評價，他說：「我唔知佢帶邊個女友。（囝囝同你一樣咁風流？）佢冇我咁風流，我對佢嘅感情生活唔熟悉。」
不過，提到大計，趙世曾一本正經地說希望社會和諧：「香港最大問題係貧富懸殊。（有冇打算成立基金扶貧？）捐錢唔徹底，都要靠政府做好啲。（政府發放六千蚊。）係好開始。（你會唔會捐六千蚊出嚟？）六千蚊捐出嚟都冇用，捐都唔捐咁少啦！」同場有性感打扮的名媛榮文蔚及其夫婿阮偉文。
