祖兒陪飲 林峯酒入愁腸

祖兒和師弟鄭家維昨日出席「奧海城窩心甜品之旅」啟動禮，跟信和集團商場推廣總經理蘇蔡潔蓮齊齊主持儀式；祖兒前晚剛從廣州出席完「音樂先鋒榜」頒獎禮，她和古巨基各奪4獎成大贏家，林峯則有3.5獎，其他獲獎歌手還有Twins、李克勤、謝安琪等。

感受友情可貴

問祖兒有冇跟林峯八卦潘霜霜？她坦言：「同佢飲咗兩杯，希望佢快啲遠離小人。」那麼林峯是否借酒澆愁？祖兒即扮嘆氣說：「酒入愁腸愁更愁！（佢仲愁緊？）冇啦，努力工作，冇乜大影響，當一個經驗囉，畀佢感受友情可貴。」

撐阿Sa想生仔

至於蔡卓妍（阿Sa）被爆未肯生仔，所以跟前夫離婚，祖兒力撐好姐妹：「唔係喎，Sa Sa成日都話生，佢好鍾意小朋友。（想遲啲生？）咁做緊嘢，其實佢哋file都完咗，新生活又開始得咁好，兩個人嘅嘢其他人唔可以畀意見。」

另祖兒將於26日到倫敦開騷，現努力keep fit減肥：「晚晚睇ＤＶＤ跳健康舞，同媽咪一齊跳，細佬見到笑咗成分鐘，覺得我哋好戇居，我覺得有效過跑步機，冇咁悶，啲肉都實番啲。」

文：音樂組