楊思琦持「磚頭」抗通脹
無綫「上位小花」楊思琦密密接job密密賺，加上慳妹性格儲了不少「彈藥」，06年開始向樓市出擊，至今已擁有三個物業，是圈中「隱形小富婆」。記者向思琦妹問及投資心得，她笑說：「我今日所得都係媽咪創造出嚟，我一向將啲錢交晒畀媽咪，真係要多謝佢。所以一切物業買賣都係佢話事，大權喺媽咪手，佢先至係最高領導人！」近年樓市節節上升，思琦堅守不賣，她說：「我唔係炒家，只係想買物業抗通脹。（幾時賣？）我都係鍾意儲磚頭多啲，我一向都好鍾意睇樓，唔買都睇吓人哋啲裝修，參考吓！」
至於無綫高層陳志雲愛將、演員寧進更是禾稈冚珍珠，身為土瓜灣「原居民」的他熟悉附近樓市動向，除了開車房做生意，早年更自爆掃了七、八個舊樓單位，裝修後出租做「包租公」，平均每個單位買入價不足百萬港元，至今帳面已賺一倍，非常和味！
