澳洲女星愛比康妮芝近期在荷里活愈來愈吃香，她在新片《逆天潛能》中不但床戰畢利谷巴，更會服食奇異神藥激發體內潛能，她亦希望現實中真有這藥物的話，可令她快速學習。
最近為男士雜誌《君子》拍半裸封面的愛比先後同希夫烈格(《愛‧糖針》)及畢利谷巴(《逆》)等型男拍過床戲，雖然經驗豐富，但就坦承拍床戲對她來說始終有難度：「最大問題就係佢哋個個都係好友，所以我好好彩無咁尷尬。不過如果拍攝床戲時除褲嗰陣唔順利等問題嘅話，都會引到我發笑，要從頭拍過。」
而在新片《逆》能夠同荷里活演技之神羅拔迪尼路合作，她就表示一切來得好唔真實。她透露拍攝前曾同羅拔及畢利一同進行圍讀劇本，當時她就向畢利說：「真係好唔真實呀呵？」她表示除了自己外，畢利亦表示唔相信能與羅拔拍戲。
片中講述畢利因服用神奇藥物NZT而令腦內的潛能發揮極限令他事事如意，愛比被問到若然現實生活中有機會服用的話她會否服用此藥，她就表示如果不會令人上癮又或冇副作用的話，她絕對願意服用，借助藥力令她極速學會需長時間浸淫的鋼琴、畫畫及語言等興趣。
文：外娛組