陳鍵鋒諗計贏錢幫補生計
陳鍵鋒為宣洩多年怨鬱氣，大爆被無綫冷待，惹來無綫封殺而自斷米路。陳鍵鋒雖輸EQ但卻挑戰自己IQ，希望參加遊戲節目贏取獎金五十萬元，藉此「補償」在無綫多年都爭取不到的數十元人工。
自從脫離無綫，陳鍵鋒終於可呼吸「自由」空氣，任意亮相香港所有電視台。繼早前他在有線大爆被無綫冷待後，周日更出席now的星級特別版《撳錢》，與他邀請的老友周國豐拍檔，諗計贏取五十萬元獎金。他笑言在無綫多年努力工作都冇人工加，今次動動腦筋，希望可取回之前所失。
與何超儀同場
除了陳鍵鋒與周國豐外，還有蘇永康、劉浩龍、何超儀、Mandy Lieu、導演葉念琛與o靚模DaDa Lo及A. Lin等。星級特別版將移師apm舉行，集合廿多名星級嘉賓與現場及家庭觀眾一齊贏取獎金。《撳》之前免費提供訊號兩星期供家庭觀眾收看期間，曾一度熱哄全城，但當回復收費後收視即急速下滑八成。now為救亡，惟有再施銀彈政策，於周日先以特別版之名，再將原本十萬元獎金加碼至五十萬元獎金，藉此收復之前所流失的觀眾。
承認想返無綫
now發言人Joan對此表示：「節目開始前已定每季會加碼獎金，今次只係提早一個月派錢，因為節目已做兩個月，又得到一班星級嘉賓支持，絕對唔係為咗觀眾流失而做。其實好多準備工夫做緊，好似星期日喺apm舉行嘅星級嘉賓雙座位，都要事前訂造啦！」
另外，陳鍵鋒與胡杏兒昨日為無綫收費台購入的內地劇《美人心計》進行宣傳。問《美》會否是無綫「遺作」？陳鍵鋒答：「唔知！地球係圓嘅，我都想返嚟，但要研究再傾。（研究幾多錢？）唔係為錢。（會化名鬧無綫？）自己做唔使搵人鬧。」胡杏兒則指《美》是她首個內地劇，故說普通話時很緊張。
文：影視組