焦媛性起睇壯男着T-Back

焦媛與歐錦棠繼合作舞台劇《情場如戰場後》，再次合作性喜鬧劇《女上男下》，二人飾演一對夫婦，在劇中講述偷情問題。為了配合情節，焦媛需要以內衣上陣，而歐錦棠亦需要以「孖煙囱」示人。

不接受一夜情

焦媛說：「因為講偷情，內衣係避免唔到，大家都係演員唔會尷尬，我同佢好熟，搞笑成分居多。不過佢又唔係着T-Back，我都想睇佢着，佢咁大隻，好sexy。雖然我係藝術總監，但都冇得加呢場戲，一切以配合劇情為先。」

談到偷情問題，焦媛表示現實中自己絕不能容忍，她說：「一夜情我唔得囉，後果好嚴重，自己承唔承擔得起個後果呢？」至於若發現另一半出軌會怎處理？她說：「我唔會扮唔知，一發現必定情已逝。無得再繼續落去。我慶幸從未遇過呢啲事。」

焦媛坦言不能接受一夜情。

焦媛同時兼顧兩套不同類型的舞台劇，大呻精神分裂。

演到精神分裂

演出《女上男下》之前，焦媛又要忙於另一舞台劇《金鎖記》的巡迴演出，令她感到精神分裂，她說：「因為《女》係喜劇，《金》比較沉重，我要同時間處理兩個差距好大嘅演出，自己要調節得好好，真係演到精神分裂。」

文：影視組