RubberBand抗拒爆紅
踏入樂壇已第四個年頭的四人樂隊RubberBand，以「守得雲開見月明」來形容目前狀況，認為凡事不可以急功近利，極速爆紅並不適合他們，對歌唱事業寧願選擇細水長流。
在樂壇默默耕耘多年，RubberBand（RB）總算打響名堂，令人有吐氣揚眉的感覺，但他們並不認同，隊員泥鯭說：「我哋又唔係有咩屈辱，應該係守得雲開見月明，帶出一個訊息畀普羅大眾，我哋堅持咁耐，總會有進步嘅一日。」雖然距離目標還好遠，但他們會努力。
RubberBand坦言至今仍未到收成期，他們明白急不來，他們說：「好多Solo歌手都要捱五、六年先出頭，我哋入行都係第四年啫，早就做好心理準備，每一個音樂作品都要有質素，呢行係長遠去睇，凡事唔可以急功近利，唔係一、兩個月竄紅或成功就好，我哋寧願細水長流。」
翻唱經典歌
忙到喘息機會都沒有的RubberBand，剛完成一連五場演唱會，並贏得一致好評，他們未敢怠慢，連忙為第四張英文字頭新碟《Dedicated to……》宣傳，今次新碟他們翻唱八十年代的經典歌曲，包括有葉蒨文的《長夜My Love Goodnight》、盧冠廷的《陪著你走》、杜德偉的《擦身情緣》等，翻唱歌曲可有壓力？RB表示每次做新碟都有壓力，希望突破自己，尋求新方向，他們說：「對自己有要求係應該，呢啲歌有一定影響力，翻唱有挑戰性，盡量唔去諗比較。」他們還計劃今年內趕製「E」字頭大碟。
文：音樂組 攝：謝國華