司徒法正撮合仔「囡」怪談姻緣
司徒法正幼子司徒立業與前有線《怪談》編導蔡周雅結婚，司徒師傅娶新抱，新老爺開心到無法形容，成晚笑到四萬咁口，仲話呢段姻緣係由佢造就而成。他與新抱關係複雜，他既是媒人，又是拍檔，又如父親：「我拍咗有線《怪談》十年，係一齣收視好嘅長壽劇，個新抱跟咗我好多年，我哋合作上好有默契，我直情當佢係女咁。」
曾與蔡周雅共事的有線舊友黃翠如、陳嘉琪，關寶慧、服裝設計家Nilson、譚凱琪、監製麥當傑等前來到賀。期間，關寶慧發現師傅下巴有塊焦疤，司徒師傅不忘搞笑本色話：「擺咗28圍酒，飲新抱茶時，要畀好多金銀首飾個新抱，諗起都心痛，畀禮時心急離場不慎仆落枱角就撼親個下巴。」司徒師傅還送上一張結婚禮券給關寶慧，催促她快嫁人。