許穎急撇仔情挑古天樂

葛民輝Icon女Phoebe去年入行，曾推出噴血寫真集，展示由阿葛設計的泳衣，成功吸納大批男fans，卻因此觸怒當時的男友，最終不歡而散：「佢唔贊成我露肉，嗌晒交，結果就分手。因為我難得入行，想做自己鍾意做嘅事，唔想錯過任何機會！」

現時單身的她不急於拍拖：「個個女仔都想有人錫，但係我冇時間，想專心工作同讀書。」

難忘黐六對眼睫毛

入行短短時間，Phoebe不乏發展機會，包括客串賀歲片《我愛HK開心萬歲》，她表示緊張又興奮：「我個角色係Model，同林欣彤、陸永最多同場戲份。（最難忘係咩？）成日要Cosplay，會着公主衫、校服，而且個妝好濃！對眼黐成六對假眼睫毛，上面四對，下面兩對！」Phoebe希望可繼續拍戲，即使情慾戲亦「義不容辭」，問到最想跟誰親熱？她說：「古天樂！之前睇過佢好多戲，最深刻係搞笑片，記憶中佢好似冇拍過好激烈嘅感情戲！一於由我去挑起佢啦！」

露兩手多方面發展

此外，Phoebe去年底在福祿壽的演唱會中亮相，與李思捷跳辣身舞，令人留下印象！她又計劃錄製個人新歌及為公司品牌設計潮tee，希望周身刀張張利，而早前她推出自家品牌HUE，更將全裸及濕身肖像擺上Tee，繼續色誘宅男！

文：立影　攝：謝國華