大島優子恨嫁婚紗唔願除

大島優子在AKB48新曲《成為櫻花樹吧》的MV中首次飾演年輕媽媽，在MV中更拖着小女兒大玩鞦韆，十分幸福。問到現實中的優子會否憧憬結婚生子，她說：「之前喺活動入面着過婚紗，鍾意到唔想除，同其他女仔一樣，我都渴望有日可以穿上，有自己家庭，生幾個小朋友！」不過，她坦言現在的最大目標仍是工作。

愛海鮮料理

早前首次來港的優子坦言對香港印象甚佳，她說：「第一次嚟香港，最有印象係香港嘅美食，尤其係海鮮料理，因為日本比較少機會食到。（對海外發展有信心？）有呀，希望有更多海外嘅朋友認識我哋啦！」

對於在港舉辦握手會獲得大批粉絲支持，優子直言有點喜出望外，更想不到在他鄉會有如此多支持者，她不忘感激表示：「好多香港嘅朋友都好努力咁用日文話鍾意我、支持我、仲有好多鼓勵嘅說話，這股誠意實在令我好感動。往後嘅日子都希望繼續得到大家支持，好多謝各位。」

增值等上位

最後談到AKB48在去年爆紅上位，當時她的心情如何？優子說：「當然開心啦，有咁多人支持自己，（之前未有人氣時會否擔憂？）嗰時大家都默默努力，裝備自己，希望將來可得到更多人的支持及認同。」

文：音樂組