陳嘉桓跟峯Chok樣冧宅男

只得十八歲的陳嘉桓，大概因靠拍打戲成名，體內DNA陽剛味太重，丁點少女氣息也嗅不到。可惜這個年代，要靠打女出頭實不容易，惟有還原基本步，改行可愛路線。

做開打女，要突然改變英雄基因絕不容易，但陳嘉桓天生機敏，自與最耍家Chok樣的林峯拍攝MV後，除了傳出緋聞，因在MV中恤了一個「Bob頭」，樣子頓變可愛，所以嘉桓決定留一個齊蔭「Bob頭」，由外到內改變自己。

陳嘉桓笑言要學林峯Chok樣。

做打女付出半斤未必收回八両，陳嘉桓考慮轉型。

港女十式難接受

她說：「我之前嘅形象太過成熟，配合唔到真實年齡，其實我只得十八歲，之前做得打女太多，依家想可愛啲，配合宅男口味，吸納多啲宅男fans，好似糖妹咁。」

談到會否做港女十式，擺「一、五、十」甫士？陳嘉桓說：「唔得呀，雖然我試過咁樣自拍，不過自己都接受唔到囉！」不過林峯擺「甫」是靠Chok起家，嘉桓笑言可以一學：「我唔知點先係Chok，係咪專注就係Chok？不過我唔覺佢好Chok，只係特別用心啫！」

文、攝：專案組

服裝：BCBG

場地：龍王酒家