宣萱瞞住男友飛車

宣萱、馬德鐘、鄧健泓及張嘉兒前晚在深水埗為《飛虎》拍外景,宣萱透露在劇中雖然打鬥戲份不多,但因角色有自毀傾向,故經常有飛車鏡頭,問到男友有否很擔心?她笑言:「我冇話畀佢知呀,不過之前拍咗場吊喺小巴外邊嘅戲,佢知道後都有怪我唔話佢知。」

對於拍檔馬德鐘太太鬧無綫收買人命,宣萱謂不太清楚,不便評論,不過她承認無綫多年來制度如是:「都係日拍夜拍啦,全地球冇一個地方嘅人唔夠瞓過我哋,但係我都習慣咗。」宣萱跟無綫的合約在九月屆滿,她透露都是每年續約:「開心就做,唔開心咪唔做囉!」