梁詠琪蕭芳芳10載情冇走樣
久未露面的蕭芳芳前晚與梁詠琪（GiGi）一同現身，為護苗基金初小性教育課程錄製國際英文版的主題曲，中文版則已在十年前錄製。GiGi展示與芳芳姐十年前的合照，希望芳芳姐可以簽名留念。GiGi笑說：「呢張相係十年前錄中文版嗰陣影，我同芳芳姐都冇變，十年咁快過去，覺得好得意同深刻。」
芳芳姐被問到護苗基金的新動向，她謂：「上年九月時同主席聯名去信政府希望可以了解對處理性罪犯措施嘅新發展，佢哋有回應，不過冇安排時間，希望保安局可以睬吓我哋，一齊合作去避免社會問題。（會唔會去遊行？）你提咗我，有得考慮，有必要先。」問到會否出席鄧光榮喪禮？她指要視乎當日狀況，但希望可以出席。