鄭中基女友有喜唔使做
年初剛與前妻蔡卓妍（Sa）辦妥離婚手續的鄭中基，其主播女友余思敏（Sammie）傳出有喜，粗身大細的她不得不向有線提出解約要求，有線證實Sammie大肚求去。
鄭中基跟阿Sa去年被爆在外國秘密註冊結婚，消息曝光後兩人隨即宣布已離婚，回復單身後的阿Sa、鄭中基各自各精彩，阿Sa火速跟同門師弟陳偉霆擦出「姊弟戀」，而鄭中基則搭上有線娛樂台主播Sammie，早前鄭中基坦言跟女友Sammie見過雙方家長，感情穩定。
閃縮掃BB用品
最近傳出鄭中基女友Sammie懷有三、四個月身孕，兩人計劃年底結婚，早前Sammie更向有線提出解約要求，有線娛樂執行董事曾展章昨日證實Sammie有喜消息，他說：「我已經恭喜咗佢，（個BB係咪鄭中基？）咁我唔清楚喎。」曾展章承認Sammie跟有線的合約未完，但他說：「咁人哋大肚嘛，（要佢賠償？）唔需要，（當送大禮？）唔好咁講。」但曾展章拒透露Sammie所餘的合約年期，表示乃商業秘密，總之雙方已和平解約。
據悉當日Sammie苦口苦面向有線提出解約，有線體諒她的處境，雙方多年來合作愉快，也決定放她一馬。上月曾有人目睹Sammie在尖沙咀選購BB用品，舉動閃縮，發現有人望住即閃身走人，更有指她為避傳媒追訪而搬屋。鄭中基跟Sammie截稿前未有回應，本報曾致電鄭中基父親鄭東漢，聽到記者恭喜他快做爺爺，他說：「唔好意思，我做緊嘢，你晏啲先call我。」但之後一直聯絡不上。
阿Sa喪玩懶理
至於阿Sa對前夫鄭中基女友有喜沒有回應，反而相約老友鄭希怡一齊去海洋公園遊玩，在微博上留言玩得超累，但很開心，她的經理人霍汶希說：「人家嘅事，問番人哋。」鄭中基舊愛楊千嬅說：「如果係真的話就恭喜佢，祝佢幸福快樂。」
鄭中基好友導演錢國偉坦言收到風，會否幫鄭中基手搞婚禮？他說：「未正式收到通知，等佢決定咗先。」梁漢文則說：「等證實咗先恭喜佢。」
文：音樂組