范姜無悔愛阿B值得受傷

昨日阿B不停出出入入，章小婉亦離家外出，幸而雙方沒再狹路相逢！早上阿B離家不足10分鐘就折返，對於囝囝嘉浚在facebook撐范姜爆粗鬧阿姨，他說：「事實佢一直照顧屋企。（囝囝話斷絕關係？）等小朋友講。」至於有傳前妻章小蕙返港？阿B冷淡謂不清楚，不會聯絡她，表明不相往來。

冇聯絡媽咪

而章小婉昨午約1時許離家，她一早call的士接載，現身時用頭髮遮臉，木無表情地跳上車避記者；約兩小時後，阿B帶囡囡嘉晴去買pizza，阿B主動絞低車窗讓囡囡受訪，對於有傳嘉晴被人打？嘉晴認真說：「冇呢啲嘢發生過。（范姜對你點？）好好，一向好錫我。」問知唔知媽咪返港？嘉晴說：「唔知呢。（聯絡媽咪？）冇。（見到阿姨打招呼？）唔會，當冇見到。」問阿B會否搬家？他說：「我哋一家人住得開心，邊度都一樣，唔怕受人騷擾。」

而一直封嘴的范姜，昨晚在微博留言公開無悔愛阿B：「真正愛上一個人的時候，一切都那麼值得，包括不可避免的受傷害。」而嘉浚繼續在fb撐范姜：「繼續為公義而戰，之前嘅嘢抑壓咗好耐。」還換了一張爸爸、范姜跟兩個妹妹的「全家福」。

阿倫撐好友

此外，昨晚阿B到紅館跟溫拿、李克勤、張敬軒出騷，問到范姜心情？他輕鬆說：「成件事都係電話跌落地，唔係咁大件事。」好友譚詠麟亦力撐：「大家睇細路仔fb已經知乜事，任何嘢都係假，個女（嘉晴）話范姜同阿B從來冇放棄過佢，無論對與錯都支持佢，仲話如果佢再搞阿B同范姜就斷絕關係，仔女都咁講，其他就係廢話。」

文：音樂組