林峯冇刪除潘霜霜電話

林峯、Mandy Lieu、陳法蓉及童愛玲昨到沙田出席美容品牌L'Oreal Group-Lancome的分店開設活動,林峯被問有否與女朋友研究美容時,他就表示沒有並說:「我會定期做facial。(女友教做?)呢啲唔使人教。」

對於與潘霜霜合照鬧出大風波,會否因而怕與女性單獨合照,他謂:「其實都係,順其自然啦,遇到適合嘅人都唔會避忌,唔會諗揀唔揀圈中人,拍拖係好正常。(公司命令唔畀合照?)經理人平時都會提醒,因為出席活動好難滿足每個人嘅要求,希望大家體諒。」最後問到現可有與潘霜霜聯絡時,他表示:「無。(有無刪除佢電話?)刪唔刪除都唔係重要嘅事。」

另外,同場更有性感打扮的Mandy Lieu,她表示現勤於做功課以惡補去參加之後有達五十萬獎金的電視節目《撳錢》。